Yna mae'r dŵr o'r nant yn llifo trwy dir preifat ger tafarn y Tyllgoed, i'r de ar hyd Lôn Cartwright cyn cael ei ryddhau i Afon Elái.

Er mwyn sicrhau y gellir ailosod y cwlfer rhwng mis Gorffennaf a mis Medi eleni, bydd lonydd yn cael eu cau ddydd Mercher (11 Mehefin) ar Heol Sain Ffagan rhwng Lôn Cartwright a Heol y Tyllgoed am bum wythnos fel y gellir dargyfeirio cyfleustodau.

Pan fydd y cyfleustodau wedi'u dargyfeirio, bydd Heol Sain Ffagan ar y gyffordd â Lôn Cartwright yn cau rhwng 25 Gorffennaf a 2 Medi er mwyn gallu ailosod y cwlfer.

Mae trigolion lleol wedi derbyn llythyr am y cynllun a bydd arwyddion clir yn ael eu gosod i ddangos y llwybr dargyfeirio lleol ar y stryd trwy Lôn Cartwright, Heol y Bwlch, Heol Norbury neu Rodfa Doyle.

Dywedodd y Cynghorydd Norma Mackie, yr Aelod Cabinet dros Wastraff, Strydlun a Gwasanaethau Amgylcheddol yng Nghyngor Caerdydd: “Mae'r cynllun hwn yn cynnwys gwaith hanfodol ar y briffordd i sicrhau bod dŵr o'r nant yn llifo o dan y ffordd. Oherwydd oedran yr adeiledd, mae'n rhaid ei ailosod i sicrhau nad yw'n methu.

“Oherwydd yr aflonyddwch posibl y bydd y gwaith hwn yn ei achosi, mae'r cwlfer yn cael ei ailosod yn ystod gwyliau'r haf pan fydd llai o draffig ar y rhwydwaith priffyrdd. Mae llwybr dargyfeirio wedi'i roi ar waith i drigolion lleol deithio o amgylch y gwaith ac rydym hefyd wedi bod yn gweithio gyda chwmnïau bysiau i leihau'r effaith ar eu gwasanaethau. Cynghorir y rhai hynny nad ydynt yn byw yn lleol i ddefnyddio prif lwybrau, fel yr A48, Heol Orllewinol y Bont-faen, Rhodfa'r Gorllewin a Heol Llantrisant. Hoffai'r cyngor ddiolch i drigolion am eu hamynedd tra bod y gwaith hanfodol hwn yn cael ei wneud.”