11.12.23

Mae ardal chwarae Drovers Way yn Radur wedi ailagor i'r cyhoedd yn dilyn adnewyddu helaeth ar thema dŵr.

Yn addas ar gyfer plant bach, plant iau, a chwarae hygyrch, mae'r ardal chwarae yn cynnwys amrywiaeth o offer sydd newydd gael eu gosod, gan gynnwys:

• siglenni;
• mat bownsio;
• carwsél hygyrch;
• troellwyr;
• uned amlddefnydd gyda llithren;
• teganau sbring; ac
• elfennau chwarae dychmygol.

Mae'r cynllun hefyd yn cynnwys wyneb diogelwch rwber newydd, gyda phatrymau crychau a phyllau dŵr arno. Mae palmant a seddi newydd wedi cael eu gosod hefyd.

Ardal chwarae Drovers Way ar ei newydd wedd yn Radur.

Dywedodd y Cynghorydd Jennifer Burke, yr Aelod Cabinet dros Ddiwylliant, Parciau a Digwyddiadau:   "Mae ardal chwarae Drovers Way yn gyfleuster pwysig i'r gymuned leol, felly mae'n newyddion da ei bod yn barod ar gyfer gwyliau'r Nadolig ar ôl y gwelliannau hyn."

"Gall cael defnydd o ardal chwarae o ansawdd da, yn agos i'w cartref, wneud gwahaniaeth mawr iawn i deuluoedd. Dyna pam yr ydym yn parhau i fuddsoddi mewn ardaloedd chwarae ledled y ddinas, gan greu mannau diogel, hygyrch a llawn hwyl i blant eu mwynhau."