Mae chwaraeon a grwpiau cymunedol yn cael cynnig cyfle i brydlesu'r ystafelloedd newid ym Mharc Hailey wrth i Gyngor Caerdydd geisio sicrhau buddsoddiad yn y cyfleusterau presennol a gwella cyfleoedd i breswylwyr gymryd rhan mewn chwaraeon a gweithgarwch corfforol.

Rhaid cyflwyno datganiadau o ddiddordeb mewn prydlesu'r ystafelloedd newid erbyn diwedd y diwrnod gwaith ar 24 Mawrth. 

Dywedodd llefarydd ar ran y Cyngor: "Mae trefniadau prydles o'r math yma eisoes ar waith yn llawer o barciau Caerdydd, gan fuddsoddi mewn cyfleusterau presennol, helpu i gynyddu cyfranogiad mewn chwaraeon a galluogi sefydliadau lleol a chlybiau chwaraeon i gynnig cyfleoedd ariannol newydd."

Yr ateb mae'r cyngor yn ei ffafrio yw i sefydliad reoli'r adeilad fel ystafelloedd newid ac i ymgymryd â chyfrifoldeb am y caeau cyfagos, gyda'r bwriad o wella ansawdd y caeau dros amser. Mae'r holl gyfleusterau presennol a defnyddwyr y cae wedi cael gwybod am y cynigion.

Yn ogystal ag 11 ystafell newid mae'r eiddo hefyd yn cynnwys cyfleusterau toiled, derbynfa a lle swyddfa. Bydd y brydles hefyd yn cynnwys y maes parcio sy'n ffinio â'r cyfleusterau newid.

Mae manylion llawn ar gael yma:  https://www.ejhales.co.uk/documents/cardiff/hailey-park-llandaff-north-cardiff-changing-rooms-car-park-ew-version-pdf-compressed-12363.pdf