Cyngor Caerdydd yn cyhoeddi y bydd yn gosod teledu cylch cyfyng newydd er mwyn gwella diogelwch y cyhoedd ym Mharc Bute

16.03.2022

Cyhoeddwyd heddiw ym Mharc Bute y bydd camerâu teledu cylch cyfyng newydd yn cael eu gosod yn y parc a'r cyffiniau yng nghanol y ddinas fel rhan o'r gwaith o fynd i'r afael â throseddu a gwella diogelwch y cyhoedd.

O fis Ebrill 2022, bydd camerâu teledu cylch cyfyng newydd yn cael eu gosod mewn chwe lleoliad allweddol i sicrhau bod y prif lwybrau a'r mynedfeydd yn cael eu monitro a byddant yn gwella'n sylweddol y gallu i atal a chanfod troseddau yn y parc.

Gwnaed y cyhoeddiad arbennig heddiw yng nghwmni partneriaid o Heddlu De Cymru a Caerdydd AM BYTH, fel rhan oymrwymiad Cyngor Caerdyddihybudefnydd diogel o barciau Caerdydd.

Gwnaed y cyhoeddiad heddiw ym Mharc Bute gan Ddirprwy Arweinydd Cyngor Caerdydd, y Cynghorydd Sarah Merry;Cadeirydd Rhwydwaith Diogelwch Menywod yng Nghaerdydd a Chyfarwyddwr Cyswllt Caerdydd AM BYTH,Emily Cotterill,a Heddlu De CymruEmily Martin and Sarah Breverton.

Ymhlith y mesurau diogelwch sydd wedi'u rhoi ar waith ym Mharc Bute mae:

Cynnal adolygiad safle aml-asiantaeth o'r parc ar ôl iddi dywyllu ar 12 Awst 2021 i godi ymwybyddiaeth o feysydd sy'n peri pryder a helpu i lywio'r gwaith o ddatblygu camau gweithredu yn y dyfodol.
Menter "Paned gyda Phlismon", gyda sesiynau wedi'u cynnal yn fisol ers mis Awst 2021. Mae'r sesiynau, sy'n cael eu hyrwyddo ar sianeli cyfryngau cymdeithasol Heddlu De Cymru a Pharc Bute, a thrwy arwyddion ar y safle, yn cael eu cynnal yng ngwahanol caffis parciau'r ddinas yn eu tro. Nod y sesiynau yw meithrin perthynas waith effeithiol rhwng rhanddeiliaid a chaniatáu rhannu gwybodaeth. Arweinir y sesiynau gan Heddlu De Cymru ac fe'u mynychir gan Geidwaid Parc Bute a staff eraill y safle fel y bo'n briodol.
Gosod 2 gamera cylch cyfyng Heddlu De Cymru dros dro
Gosod system teledu cylch cyfyng well gan berchenogion Ystafelloedd Te Pettigrew
Gosod system teledu cylch cyfyng ehangach gan berchenogion Ystafelloedd Te Pettigrew
Sefydlu Ystafelloedd Tîm Pettigrew fel 'Gofod Diogel' dynodedig o dan yFenter Mannau Diogel, partneriaeth gyda Caerdydd AM BYTH a busnesau ledled y ddinas a lle gall unrhyw un sy'n teimlo'n ofnus, mewn perygl neu'n bryderus lochesu.
Swyddog Cymorth Cymunedol yr Heddlu a Cheidwaid Parc Bute yn cyflwyno digwyddiadau ymwybyddiaeth y cyhoedd ar y cyd i hyrwyddo diogelwch menywod a merched ac ymgyrch gwrth-gyllyll Heddlu De Cymru 'Bywydau Nid Cyllyll'.
Ymchwilir i opsiynau o ran gosod goleuadau ychwanegol ym Mharc Bute a bydd y costau a'r manteision cymharol yn cael eu hasesu,gan ystyried hefyd unrhyw effeithiau y gallai goleuadau eu cael ar fywyd gwyllt.

Mae Cyngor Caerdydd yn ystyried cyfres o fesurau i wella diogelwch ym mharciau poblogaidd y ddinas yn dilyn nifer o ddigwyddiadau, gan gynnwys un a welodd gwerth miloedd o bunnoedd o ddifrod wedi'i achosi i goed, planhigion, gwaith cerrig, gorchuddion tyllau a cheblau ffibr optig ym Mharc Bute ym mis Medi y llynedd.

Dywedodd Aelod Cabinet Cyngor Caerdydd dros Ddiwylliant a Hamdden, y Cynghorydd Peter Bradbury: "Bydd y camerâu teledu cylch cyfyng newydd yn sicrhau goruchwyliaeth dros leoliadau allweddol ledled y parc a bydd eu dyluniad yn sicrhau na fyddan nhw'n amlwg iawn i'w gweld.

"O ystyried yreffaith bosibl y gallai goleuadau ei chael ar y bywyd gwyllt yn ein parciau,rwy'n falch o gadarnhau na fydd angen goleuadau ar y camerâu hyn i weithio yn y nos.

"Mae gosod teledu cylch cyfyng a'n mentrau diogelwch eraill, gan weithio gyda'n partneriaid gan gynnwys Heddlu De Cymru a Caerdydd AM BYTH, yn golygu y gall pawb barhau i fwynhau Parc Bute.

"Mae parciau Caerdydd bob amser wedi bod yn lleoedd diogel lle gall pobl fynd i fwynhau'r awyr agored ac mae'n bwysig iawn eu bod yn aros felly."

Dolenni Perthnasol