Back
Taith Sero Carbon yn dod i Gaerdydd
10/09/21
Ar ddydd Gwener, 17 Medi, bydd y Daith Sero Carbon, sy'n teithio o amgylch y DU, yn cyrraedd Caerdydd. Nod y daith yw rhannu'r neges sero-net gyda'r gymuned fusnes. Bydd yn dod i ben yn Glasgow erbyn COP 26 ym mis Tachwedd.
Bydd digwyddiadau dydd Gwener nesaf yn cynnwys digwyddiad arbennig yn Neuadd Dewi Sant. Bydd Map Ffordd Caerdydd i Sero-Net yn edrych ar y cysyniad o garbon sero-net, a pham y mae mor hanfodol i fusnesau yn y #DegawdGweithredu hwn.
Mae Map Ffordd Caerdydd i Sero-Net yn ddigwyddiad am ddim, a gellir cofrestru i gadw lle ar-lein yma:
https://www.eventbrite.co.uk/e/cardiff-roadmap-to-net-zero-zero-carbon-tour-tickets-167865039853
Bydd coets drydan 100% gyntaf y DU, y ‘Carbon Battle Bus', yno ar y diwrnod, a gall gwesteion ddysgu mwy am yr ymgyrch Ras i Sero mae'r Cenhedloedd Unedig yn ei chefnogi, clywed Straeon Carbon, a rhannu syniadau gyda phobl leol, sefydliadau a grwpiau cymunedol.
Anogir pobl i seiclo i'r digwyddiad, lle bydd sesiynau Dr Beic ar gael, yn cynnig gwiriadau diogelwch a thiwnio beiciau.
Mae rhagor o wybodaeth am ddigwyddiadau'r Daith Sero Carbon, a chyfle i wneud addewid sero-net, ar-lein yn:
Erthyglau cysylltiedig
- Creu Caerdydd newydd, werddach, gryfach a thecach wrth adfer o COVID
- Cynnydd tuag at Gaerdydd Un Blaned "iachach, gwyrddach a gwylltach"
- Caerdydd yw'r awdurdod lleol cyntaf yng Nghymru i ennill statws Sefydliad Llythrennedd Carbon
- £1 miliwn o gyllid ar gyfer prosiect coedwig drefol 'Coed Caerdydd'
- Datgelu cynlluniau i wneud gwasanaethau bysiau Caerdydd yn fwy deniadol a fforddiadwy
- Disgyblion Ysgol Gynradd Mount Stuart yn plannu 1,000 o goed ar gyfer Caerdydd Un Blaned
- Hwb ariannol o £228K i gynyddu gorchudd coed a mynd i'r afael â newid yn yr hinsawdd yng Nghaerdydd
