Back
CYHOEDDI GŴYL CANOL Y DDINAS YNG NGŴYL GWÊN O HAF CAERDYDD




29/6/2021
 
Bydd gwên ar wynebau ym mhob cwr o'r ddinas, wrth i Gwên o Haf Caerdydd gyhoeddi y bydd safle gŵyl yng nghanol y ddinas yn agor ym mis Gorffennaf.

Fel rhan o raglen digwyddiadau a gweithgareddau'r brifddinas gyfan sy'n rhedeg drwy gydol gwyliau'r haf, bydd yr ŵyl tair wythnos yn cael ei chynnal o ddydd Mawrth 20 Gorffennaf, wedi'i lleoli ar y lawnt o flaen Neuadd y Ddinas eiconig Caerdydd.

Bydd y parti sy'n addas i deuluoedd yn rhoi rhywbeth i blant a phobl ifanc Caerdydd wenu amdano a gall ymwelwyr ddisgwyl mwynhau amrywiaeth o weithgareddau cyffrous o roi cynnig ar gamp newydd yn y flwyddyn Olympaidd i weld arddangosion ar y lawnt drwy garedigrwydd Amgueddfa Genedlaethol Cymru. Bydd y safle hefyd yn cynnal sgiliau syrcas, twrnameintiau pêl-droed bwrdd, arddangosfeydd BMX, gweithgareddau celf a chrefft, perfformiadau theatr a cherddoriaeth fyw, i enwi ond ychydig!

Mae tocynnau bellach ar gael i'w harchebu ynwww.gwenohaf.co.ukMae tocynnau'n costio £2 y pen am bob sesiwn 2.5 awr. Mae'r gwyliau ar agor dydd Mawrth - dydd Sul ac mae plant dan oed ysgol yn mynd am ddim.

Nod rhaglen weithgareddau 'Gwên o Haf' yw rhoi gwên yn ôl ar wynebau plant, pobl ifanc a theuluoedd Caerdydd ar ôl blwyddyn heriol sydd wedi gweld tarfu ar addysg, ffrindiau'n methu cyfarfod a bywyd normal fel yr arferem wybod ei fod wedi troi ar ei ben.

Gyda chefnogaeth partneriaid y ddinas ac fel rhan o adferiad pandemig Da i Blant y Cyngor, nod y rhaglen yw annog plant a phobl ifanc i chwarae, symud a mwynhau eu hunain yn weithredol ar ôl y cyfnodau clo hir a dysgu o bell.

Dechreuodd yr ŵyl yr wythnos diwethaf gyda lansiad cam cyntaf 'Bryn Rholi Poli', drama hwyliog yng nghanol y ddinas sy'n canolbwyntio ar y teulu ar Ffordd Churchill. Bydd cam dau a fydd, yn darparu man chwarae naturiol i blant ag ardaloedd wedi'u tirlunio a byrddau picnic, yn agor ddydd Llun 19 Gorffennaf

Bydd safle lawnt Neuadd y Ddinas yn gweithredu chwe diwrnod yr wythnos am dair wythnos gyntaf gwyliau haf yr ysgol tan ddydd Sul Awst 8 ond ni fydd yr hwyl yn dod i ben bryd hynny. Ochr yn ochr â phrif ŵyl canol y ddinas, bydd rhaglen lawn o weithgareddau yn cael ei chyflwyno gan bartneriaid Gwên o Haf mewn cymunedau ledled y ddinas drwy gydol chwe wythnos lawn gwyliau'r ysgol.

Mae archebu ar gyfer y gweithgareddau cymunedol am ddim yn agor ddydd Llun, 5 Gorffennaf ynwww.childfriendlycardiff.co.uk

Dywedodd y Cynghorydd Sarah Merry, yr Aelod Cabinet dros Addysg, Cyflogaeth a Sgiliau: "Mae plant a phobl ifanc wedi colli allan yn sylweddol yn ystod y pandemig ac rydyn ni eisiau rhoi rhywbeth yn ôl iddyn nhw, gan wneud yn siŵr bod ganddyn nhw rywbeth i wenu amdano.

"Mae Gwên o Haf yn rhoi ffocws ar les, ail-ymgysylltu a gwneud yn iawn am amser a gollwyd drwy roi cyfleoedd i chwarae, cael hwyl a bod gyda ffrindiau a theulu.

"Mae ein sefydliadau partner yn cymryd rhan a byddant yn darparu llu o weithgareddau ar draws ystod o themâu gan gynnwys gwyddoniaeth a thechnoleg, y celfyddydau creadigol, chwaraeon ac antur, chwarae a hwyl i'r teulu - bydd rhywbeth ar gael ar gyfer pob un o bob oed.

"Rydym yn cadw'r ffi fynediad ar gyfer prif safle'r ŵyl yn isel er mwyn sicrhau y gall cynifer o deuluoedd Caerdydd â phosibl ymweld a'n galluogi i ddarparu'r ystod eang o weithgareddau Gwên o Haf yn y gymuned a fydd am ddim i'n plant a'n pobl ifanc drwy gydol y gwyliau."

Mae Gwên o Haf yn rhan o Adferiad sy'n Dda i Blant Caerdydd ac mae'n cyd-fynd yn agos ag uchelgais y ddinas i ddod yn Ddinas sy'n Dda i Blant a gydnabyddir yn rhyngwladol, fel yr argymhellwyd gan Bwyllgor y DU ar gyfer UNICEF lle mae hawliaua lleisiau plant a phobl ifanc wrth wraidd polisïau, strategaethau a gwasanaethau'r ddinas.

 

I gael rhagor o wybodaeth am Gwên o Haf, ewch iwww.gwenohaf.co.uk