Mae
Cyngor Caerdydd wedi datgelu gweledigaeth uchelgeisiol ar gyfer cymdeithas
decach lle gall pawb rannu yn llwyddiant y ddinas.
Crëwyd
strategaeth bedair blynedd newydd i hyrwyddo cydraddoldeb a chynhwysiant ac i
ddileu unrhyw rwystrau a achosir gan anghydraddoldebau, y gallai preswylwyr eu
profi wrth geisio sicrhau gwell canlyniadau yn eu bywydau, er mwyn llunio
prifddinas fwy diogel, tecach a mwy cynhwysol.
Mae Strategaeth
Cydraddoldeb a Chynhwysiant y Cyngor ar gyfer 2020-2024, a ddatblygwyd ar ôl
ymgynghori â thrigolion, grwpiau cymunedol, staff y Cyngor a phartneriaid, yn
seiliedig ar bedwar amcan allweddol a fydd yn cefnogi'r daith i fod yn ddinas
fwy cyfartal.
Y pedair nod yw:
Mae'r strategaeth newydd yn
nodi sut y bydd y Cyngor yn ceisio cyflawni'r amcanion hyn yn ogystal â
chyflawni ei Ddyletswydd Cydraddoldeb Sector Cyhoeddus, o dan y Ddeddf
Cydraddoldeb megis dileu gwahaniaethu, aflonyddu ac erledigaeth, hyrwyddo cyfle
cyfartal rhwng pobl sy'n rhannu nodwedd warchodedig berthnasol a'r rhai nad
ydynt, yn ogystal â meithrin cysylltiadau da rhwng pobl sy'n rhannu nodwedd
warchodedig berthnasol a'r rhai nad ydynt yn ei rhannu.
Mae'r cynllun hefyd wedi'i ddiwygio i adlewyrchu'r
amgylchedd newydd sy'n deillio o COVID-19 a dechrau’r Ddyletswydd
Economaidd-gymdeithasol yng Nghymru o 31 Mawrth 2021.
Dywedodd y Cynghorydd Huw Thomas, Arweinydd Cyngor
Caerdydd: "Mae gan Gaerdydd enw da fel dinas o barch ac undod
goddefgarwch, y gallwn ymfalchïo ynddi ac er ei bod yn lle gwych i fyw,
gweithio a chwarae, nid yw'n ddiogel rhag yr anghydraddoldebau a'r gwahaniaethu
hirsefydlog sy'n effeithio ar bob dinas fawr.
"Mae'r ddinas yn gartref i rai o'r ardaloedd
lleiaf a mwyaf difreintiedig yng Nghymru gyfan ac mae'r bwlch rhwng y cymunedau
hynny'n rhy eang.
"Ystyr creu dinas wirioneddol gynhwysol yw
cydnabod y rhwystrau o anghydraddoldeb ac allgau a gwneud popeth o fewn ein
gallu i ddileu'r rhwystrau hynny, fel y gall pawb yn y ddinas, waeth beth fo'u
cefndir neu ym mha gymuned y maent yn byw, gael mynediad at wasanaethau a
chyrraedd eu potensial.
"Mae'n golygu integreiddio cydraddoldeb ym
mhopeth a wnawn - ein tai, ein hysgolion, ein heconomi, ein hamgylchedd
adeiledig a'n seilwaith, yn ogystal â, fel cyflogwr, i ddarparu gwasanaethau a
phartneriaethau cynhwysol o ansawdd uchel sy'n mynd i'r afael ag
anghydraddoldeb ac allgáu."
Ychwanegodd y Cynghorydd Chris Weaver, yr Aelod
Cabinet dros Gyllid, Moderneiddio a Pherfformiad: "Rwy'n falch iawn ein
bod eisoes wedi gwneud cynnydd ar yr agenda pwysig hwn gyda chreu Tasglu
Cydraddoldeb Hiliol dros yr haf i fynd i'r afael â gwahaniaethu ar sail hil a
hyrwyddo cydraddoldeb hiliol yn y ddinas.
"Fel y brifddinas, gallwn arwain y ffordd er
mwyn sicrhau bod Caerdydd nid yn unig yn gweithio i'n trigolion, ond ar gyfer
gweddill Cymru hefyd. Y strategaeth newydd hon yw'r llwybr ar gyfer sut y bydd
yn anelu at gyflawni'r nod hwn o ddod yn Gaerdydd sy’n decach, fwy diogel a mwy
cynhwysol i bawb."
Bydd y Cabinet yn ystyried y Strategaeth
Cydraddoldeb a Chynhwysiant ar gyfer 2020-2024 yn ei gyfarfod nesaf ar Ddydd
Iau 17 Medi.