Croeso i ddiweddariad olaf yr wythnos gan Gyngor Caerdydd yn cynnwys:  Ailagor Ysgolion, trefniadau cau ffyrdd i hyrwyddo cadw pellter cymdeithasol ac annog teithio llesol,newidiadau i’ch Canolfannau Ailgylchu ac ailagor ardaloedd chwarae.

Croesawodd ysgolion yng Nghaerdydd lawer o'u disgyblion yn ôl yr wythnos hon a bydd llawer mwy yn dychwelyd yr wythnos nesaf.

Atgoffir teuluoedd na ddylai dysgwyr fynd i’r ysgol dan unrhyw amgylchiadau os ydynt yn:

·       teimlo'n sâl neu’n dangos unrhyw un o dri symptom COVID-19 a adnabyddir (peswch parhaus newydd, tymheredd uchel neu golli blas neu arogl) neu os ydynt wedi cael canlyniad positif i brawf COVID-19 yn y 14 diwrnod diwethaf

·       byw mewn cartref gyda rhywun sy’n dangos symptomau COVID-19 neu sydd wedi cael canlyniad positif i brawf COVID-19 yn ystod y 14 diwrnod diwethaf.

Atgoffir rhieni hefyd bod angen cadw pellter cymdeithasol yn ystod amseroedd gollwng a chasglu ac osgoi ymgynnull ar safleoedd ysgol neu o'u cwmpas.

I gael rhagor o wybodaeth am ailagor ysgolion a chyfres o gwestiynau ac atebion a allai fod yn ddefnyddiol i chi, ewch i:  https://www.cardiff.gov.uk/CYM/preswylydd/Ysgolion-a-dysgu/Ysgolion/cwestiynau-cyffredin-i-rieni-a-disgyblion/Pages/default.aspx

I gael gwybodaeth sy'n ymwneud â disgyblion ysgolion uwchradd yn gwisgo masgiau, ewch i https://www.newyddioncaerdydd.co.uk/releases/w66/24611.html

Mae'r Cyngor yn bwriadu cau ffyrdd fel rhan o gynllun 'Strydoedd Ysgol' i helpu disgyblion a theuluoedd i gadw pellter cymdeithasol pan fydd ysgolion yn dychwelyd ar gyfer tymor yr hydref.  

Ym mis Mehefin, cyflwynwyd cau ffyrdd dros dro i greu 'Strydoedd Ysgol' o gwmpas 24 o ysgolion ledled y ddinas pan ailagorwyd hwy am wythnosau olaf tymor yr haf.

Mae'r strydoedd mae'r Cyngor wedi dewis eu cau yn cael problemau gyda thraffig a pharcio yn rheolaidd yn ystod amseroedd gollwng a chasglu plant ysgol.  Roedd cau'r strydoedd hyn i draffig cyffredinol yn cynorthwyo plant a theuluoedd i gadw pellter cymdeithasol wrth gyrraedd a gadael yr ysgol.

Yn dilyn adborth cadarnhaol gan ysgolion, disgyblion, rhieni a thrigolion lleol, mae'r Cyngor yn bwriadu cyflwyno nifer o 'Strydoedd Ysgol' o ddydd Llun 14 Medi.

Darllenwch fwy yma: https://www.newyddioncaerdydd.co.uk/releases/w66/24633.html

·       Bellach mae’n bosib archebu 26 ymweliad y flwyddyn â’ch canolfannau ailgylchu lleol, yn lle 12

·       Gall 2 berson bellach adael y cerbyd i helpu i symud eitemau trymach, felly does dim rhaid archebu casgliad swmpus oni bai bod gwir angen.

·       Ein cyngor erbyn hyn yw eich bod yn gwisgo gorchudd wyneb

·       Peidiwch ag ymweld â'r canolfannau ailgylchu os oes gennych unrhyw symptomau COVID19

Nid ydym yn derbyn bagiau o wastraff cymysg. Er enghraifft, ni fyddwn yn derbyn bag sy'n cynnwys bwyd wedi'i gymysgu â deunyddiau ailgylchadwy.

Os oes gennych y math hwn o wastraff i'w waredu gallwch dalu am ein gwasanaeth​, neu ddefnyddio contractwr gwastraff preifat. Bydd angen i chi sicrhau ei fod yngludwr gwastraff cofrestredig.​​​​​Dolen allanol yn agor mewn ffenest newyddDolen allanol yn agor mewn ffenest newydd​.

Gwastraff na ellir ei ailgylchu

Os oes gennych eitemau na allwn eu hailgylchu gallwch ddod â nhw i'r safle.

Cyn eu rhoi yn y sgip bydd angen i wasanaethwyr y safle gadarnhau nad oes modd ailgylchu eich eitemau. Rydym yn argymell eich bod yn defnyddio bagiau clir neu gynhwysydd i helpu gyda'r broses hon. Os oes angen i chi ddefnyddio bagiau i gludo'r eitemau, bydd angen i chi eu hagor i ddangos i'n staff. Ni chewch ddefnyddio bagiau gwyrdd y Cyngor.

Treuliwch ennyd yn darllen canllawiau ein canolfannau ailgylchu a bwcio slot yma: www.caerdydd.gov.uk/canolfannauailgylchu

Mae'r holl ardaloedd chwarae yng Nghaerdydd sydd wedi pasio archwiliadau diogelwch bellach wedi ailagor

Mae 3 ardal chwarae arall i blant wedi ailagor - ger y Morglawdd (Bae Caerdydd), Heol Llanisien Fach (Rhiwbeina) a Rhydypenau (Cyncoed).

Mae'r holl ardaloedd chwarae sydd wedi pasio archwiliadau diogelwch bellach wedi ailagor. 

Rhagor yma: https://www.newyddioncaerdydd.co.uk/releases/w66/24657.html