22/06/21
Bydd staff y GIG sydd wedi elwa o gael parcio am ddim yn rhai o feysydd parcio'r cyngor yn ystod y pandemig bellach yn gorfod cofrestru am drwydded ddigidol drwy ap parcio MiPermit y cyngor i barhau i ddefnyddio'r cynllun.
Ers dechrau'r cyfnod clo ym mis Mawrth 2020 roedd y cyngor wedi galluogi grŵp ehangach o weithiwyr hanfodol i barcio am ddim.Nawr fod cyfyngiadau'r cyfnod clo yn cael eu llacio ni dderbynnir trwyddedau papur mwyach a dim ond gweithwyr y GIG wrth eu gwaith sy'n gymwys i barcio am ddim. Bydd rhaid i'r holl weithwyr hanfodol eraill dalu i ddefnyddio meysydd parcio neu fannau parcio talu ac arddangos.
Y meysydd parcio sydd ar gael i staff y GIG eu defnyddio yn rhad ac am ddim yw:
Parc y Mynydd Bychan
Gerddi Sophia
Stryd Wellington
Heol Lecwydd
Severn Road
Grey Street
Harvey Street
Mae manylion ar sut i wneud cais am gyfleusterau parcio am ddim i staff y GIG wedi'u rhoi i reolwyr y GIG a rheolwyr iechyd y cyhoedd i'w rhannu gyda'u staff. Caiff y cynllun ei adolygu eto ar ddiwedd mis Gorffennaf.