Mae'r App am ddim ar gyfer ffonau
symudol ac ar gael trwy Google Play Store a siop apiau Apple. Mae'n anfon nodyn
atgoffa pan fydd hi'n amser i chi roi eich ailgylchu a'ch gwastraff allan i'w
casglu.
Drwy alluogi’r defnydd o leoliad
ar ddyfais, gall trigolion roi gwybod i’r cyngor am union leoliad y tipio
anghyfreithlon. At hynny, gellir cynnwys hyd at dri llun o’r tipio
anhgyfreithlon gyda’r adroddiad.
Mae'r app hefyd yn caniatáu i
drigolion wirio eu cyfrif Treth Gyngor unrhyw bryd, gyda mwy o wasanaethau a
swyddogaethau i'w hychwanegu dros y misoedd nesaf.
Dywedodd y Cyng Chris Weaver, yr Aelod Cabinet
dros Gyllid, Moderneiddio a Pherfformiad: "Mae preswylwyr yn
disgwyl cael mwy o fynediad at ein gwasanaethau'n ddigidol, a dylai'r mynediad
hwnnw fod yr un peth â'r mynediad digidol y maent yn ei fwynhau mewn meysydd
eraill o'u bywydau. Mae lansio app Cardiff Gov yn gam
tuag at gyflawni'r nod hwnnw ac mae'n darparu ffordd newydd a mwy clyfar o
gysylltu â ni, bob awr o'r dydd.
"Rydym yn benderfynol o
barhau i wella effeithlonrwydd ac effeithiolrwydd gwasanaethau'r cyngor. Mae gwneud hynny
wrth wynebu cyfyngiadau cyllidebol parhaus yn golygu boddewis y digidolyn hanfodol, gan
wneud y defnydd gorau posibl o dechnoleg."
I lawrlwytho'r app chwiliwch am ‘Cardiff Gov'
yn Google Play Store neu siop apiau Apple er mwyn ei osod ar eich ffôn. Os oes angen,
gall trigolion gael help i lawrlwytho a gosod yr app trwy ymweld ag un o'u
Hybiau lleol.
Mae mwy o wybodaeth ar gael trwy: #CarDIFFGov