Mae'r confensiwn, sy'n gydweithrediad rhwng y
BBC, ITV, Channel 4, Channel 5 a Pact yn lle i bobl sy'n byw yn y cyfryngau
creadigol yn y DU ddod ynghyd.
Mae Caerdydd a'r ddwy ddinas arall ar y rhestr
fer, Bryste a Glasgow, yn gwneud eu cyflwyniadau i gynnal digwyddiad y flwyddyn
nesaf yn ystod confensiwn agoriadol 2018 sy'n cael ei gynnal yn Leeds.
Dywedodd y Cynghorydd Huw Thomas, Arweinydd
Cyngor Caerdydd: "Sector
creadigol Caerdydd yw hyb y diwydiant yng Nghymru. Yn ogystal â bod yn gartref i
rai o ddarlledwyr mwyaf y wlad mae hefyd sîn annibynnol gref sy'n manteisio ar
ein gweithlu medrus, gyda chefnogaeth prifysgolion y ddinas.
"Mae'r sector creadigol yng Nghaerdydd yn
cyflogi 15,00 o bobl ac yn cyfrannu dros £1 biliwn i'r economi.Mae'n llwyddiant ysgubol ac
rydym wedi'i gwneud yn clir, drwy gyhoeddi ein bwriad i wneud cais i fod yn un
o hybiau Cenhedloedd a Rhanbarthau Channel 4, ei fod yn llwyddiant yr ydym am
adeiladu arno.
"Ond yr hyn sy'n gwneud Caerdydd yn
unigryw yw ysbryd cydweithredol cymuned greadigol y ddinas. Rydym am i'r Confensiwn
Dinasoedd Creadigol achub ar yr ysbryd hwnnw a chroesawu ein cydweithwyr
cyfryngol o bob rhan o'r DU i'n dinas flaenllaw ac uchelgeisiol fel y gallwn
rannu a gwrando ar eu cyflawniadau tra'n dathlu'r oes aur newydd hon i
ddarlledu a chynhyrchu yng Nghymru."
Mae confensiwn eleni, y mae'r newyddiadurwraig
a'r ddarlledwraig Kirsty Walk yn llywydd arno, yn cynnwys ystod o siaradwyr
blaenllaw yn y diwydiant, gyda Phrif Weithredwr Channel 4 Alex Mahon yn eu
harwain. Bydd yn siarad am gynlluniau'r sianel i wella ei chyfraniad at y
cenhedloedd a'r rhanbarthau y tu allan i Lundain.
Caiff y ddinas lwyddiannus ei chyhoeddi ar Mai.